متى تحتاج سطحة لسحب سيارتك المعطلة؟
كثير من الأعطال تزيد سوء لو حاول صاحب السيارة يكمل فيها لين الورشة. القاعدة البسيطة: إذا السيارة ما تشتغل، أو تشتغل وفيها صوت أو حرارة أو لمبة تحذير حمراء، فالأسلم إنها تنتقل على سطحة.
الأعطال اللي ننقل بسببها السيارات
أعطال ميكانيكية
عطل في المكينة أو القير أو الدفرنس أو التعليق يمنع السيارة من الحركة بأمان.
أعطال كهربائية
بطارية فاضية بالكامل، دينمو، سلف، أو مشاكل في الكمبيوتر والحساسات.
ارتفاع حرارة المكينة
إذا ارتفعت الحرارة لا تكمل الطريق؛ نوقف السيارة وننقلها للورشة.
سيارة مقفلة أو ما تتحرك
سيارة واقفة من مدة، أو الجير معلّق، أو العجلات ما تتحرك.
وش تسوي لين توصل السطحة؟
- وقّف السيارة في مكان آمن بعيد عن مسار السيارات قدر الإمكان، وشغّل إشارات التنبيه.
- لا تحاول تشغيل السيارة مرات متكررة إذا كان فيه صوت غريب أو دخان أو حرارة.
- أرسل لنا موقعك من زر استخدم موقعي الحالي في نموذج الطلب أو من الواتساب.
- جهّز المفتاح، وإذا السيارة في قبو أو موقف ضيق وضّح لنا ذلك.
ننقلها لوين؟
ننقل السيارة المعطلة لأي مكان تحدده داخل الرياض: الورشة اللي تتعامل معها، أو مراكز الصيانة في المناطق الصناعية مثل صناعية أم الحمام، أو الوكالة، أو البيت لين تقرر وش تسوي فيها. وإذا كانت سيارتك منخفضة أو فخمة، نستخدم سطحة هيدروليك. وإذا العطل كان بسبب حادث، شوف خدمة سطحة الحوادث وإنقاذ الطرق.
